അബാട്ടാബാദിലെ സൈനികകേന്ദ്രത്തിന് നേരെ റോക്കറ്റാക്രമണം
- Details
- Published on Saturday, 28 January 2012 07:13
ഇസ്ലാമാബാദ്: പാകിസ്താനിലെ അബാട്ടാബാദില് പ്രവര്ത്തിക്കുന്ന സൈനിക പരിശീലന കേന്ദ്രത്തില് റോക്കറ്റ് ആക്രമണം. ഇസ്ലാമാബാദിന് 50 കീലോമീറ്റര് വടക്ക് കഴിഞ്ഞ വര്ഷം മെയില് അല് ഖാഇദ നേതാവ് ഉസാമ ബിന് ലാദനെ അമേരിക്കന് സേന വധിച്ച സ്ഥലത്തിനു സമീപത്താണ് ഈ സൈനിക കേന്ദ്രം.
ഇന്നലെ പുലര്ച്ചെയുണ്ടായ റോക്കറ്റാക്രമണത്തില് സൈനിക കേന്ദ്രത്തിന്റെ സുരക്ഷണമതില് തകര്ന്നു. ആളപായമുള്ളതായി റിപ്പോര്ട്ടില്ല. രാജ്യത്തെ ഏറ്റവും വലിയ സൈനിക പരിശീലന കേന്ദ്രമാണ് അബോട്ടാബാദിലുള്ളത്. ആക്രമണത്തിന് പിന്നില് ആരെന്ന് വ്യക്തമായിട്ടില്ല. ആക്രമണത്തെ തുടര്ന്ന് സൈനിക കേന്ദ്രത്തിനുള്ള സുരക്ഷ കര്ശനമാക്കിയിട്ടുണ്ട്
